មូលនិធិអភិវឌ្ឍន៍​ និងយុទ្ធនាការសប្បុរសធម៌ ដើម្បីជួយដល់កុមារក្រីក្រនៅតំបន់ដាច់ស្រយាល

        ភ្នំពេញ៖ គម្រោងសប្បុរសធម៌ដ៏ធំប្រចាំឆ្នាំ ដែលត្រូវបានបង្កើតឡើងក្រោមគំនិតផ្តួចផ្តើមរបស់ ឯកឧត្តម ជា ចាន់ទុំ ជាប្រធានមូលនិធិ និង លោក ទ្រី សុជាតិ ជាអនុប្រធាន បានប្រកាសពីយុទ្ធនាការថ្មីមួយដើម្បីបន្តជួយដល់កុមារក្រីក្រនៅតាមសាលារៀនក្នុងតំបន់ដាច់ស្រយាល។

យុទ្ធនាការនេះបានចាប់ផ្តើមតាំងពីឆ្នាំ២០១៧ មកម្ល៉េះ ដោយបានធ្វើសកម្មភាពមនុស្សធម៌ជាលើកដំបូងនៅក្នុងខែកុម្ភៈ ឆ្នាំ២០១៧។ ឆ្នាំនេះ ក្រុមការងារគ្រោងនឹងធ្វើដំណើរទៅកាន់ខេត្តចំនួនបីគឺ៖ ខេត្តសៀមរាប ខេត្តប៉ៃលិន និង ខេត្តកំពង់ចាម ក្នុងខែកញ្ញាខាងមុខនេះ។

        គោលបំណងចម្បងនៃយុទ្ធនាការនេះ គឺដើម្បី ជំរុញទឹកចិត្តកូនសិស្សក្រីក្រតូចៗឱ្យបន្តការសិក្សាបន្ថែមទៀត។ តាមរយៈការផ្តល់សម្ភារៈចាំបាច់ដល់ក្មេងៗ ក្រុមការងារសង្ឃឹមថានឹងអាចកាត់បន្ថយបន្ទុកគ្រួសារ និងផ្តល់ក្តីសង្ឃឹមដល់ពួកគេឱ្យបន្តប្រឹងប្រែងរៀនសូត្រដើម្បីផ្លាស់ប្តូរជីវិត។ ការសិក្សាគឺជាគន្លឹះដ៏សំខាន់ដែលមិនត្រឹមតែជួយឱ្យពួកគេមានអនាគតល្អប្រសើរផ្ទាល់ខ្លួនប៉ុណ្ណោះទេ ថែមទាំងអាចជួយលើកកម្ពស់ជីវភាពក្រុមគ្រួសារទាំងមូលនៅពេលអនាគតផងដែរ។

        ដើម្បីសម្រេចបានគោលបំណងដ៏ថ្លៃថ្លានេះ ក្រុមការងារសូមអំពាវនាវដល់សប្បុរសជនទាំងអស់ដែលជ្រះថ្លាចង់ចូលរួម ចាប់ផ្តើមបរិច្ចាគសម្ភារៈប្រើប្រាស់និងសម្ភារៈសិក្សាមួយចំនួនដូចខាងក្រោម៖

- សម្ភារៈសិក្សាសម្រាប់ថ្នាក់បឋមសិក្សា: ប៊ិច ខ្មៅដៃ ជ័រលុប បន្ទាត់ សៀវភៅសរសេរ ថ្នាំពណ៌ និងកាបូបសិស្ស។

- សម្ភារៈប្រើប្រាស់សម្រាប់ក្មេងៗ: សាប៊ូ ដុសធ្មេញ ច្រាសដុសធ្មេញ ម្សៅ ស្រោមជើងជាដើម។
- សៀវភៅសិក្សាឬសៀវភៅរឿងនិទាន: សម្រាប់ជួយដល់ការអាននិងពង្រីកចំណេះដឹង។
- សម្លៀកបំពាក់ក្មេងប្រុសឬក្មេងស្រី: សម្លៀកបំពាក់ថ្មីឬចាស់ដែលនៅល្អ សម្រាប់កុមារត្រឹមថ្នាក់ទី៣។
- អ្វីៗផ្សេងទៀតដែលសប្បុរសជនយល់ថាមានប្រយោជន៍: ដូចជាស្បែកជើង ស្ករគ្រាប់ ឬថវិកា។

        ការចូលរួមបរិច្ចាគរបស់សប្បុរសជនម្នាក់ៗ មិនថាតិចឬច្រើន សុទ្ធតែមានតម្លៃដ៏ធំធេងសម្រាប់ផ្តល់ក្តីសង្ឃឹមនិងឱកាសដល់កុមារក្រីក្រទាំងនេះ៕

ខេត្តសៀមរាប ២០១៧៖

ខេត្តកំពត ២០១៧៖

ខេត្តកំពង់ចាម ២០១៧៖

ខេត្តប៉ៃលិន ២០១៧៖

ខេត្តមណ្ឌលគិរី ២០១៨៖

ខេត្តកោះកុង ២០១៨៖

ខេត្តតាកែវ ២០១៨៖

ខេត្តកំពង់ធំ ២០១៩៖